Hevserokên Giştî yên DEM Partiyê daxuyaniyeke nivîskî dan û gotin, ew piştgiriyê didin peymanê.
Di daxuyaniyê de ev tişt jî hatin gotin:
“Li Sûriyeyê peymana navbera Rêveberiya Şamê û QSD’ê ‘cihê kêfxweşiyê’ ye. Em spasiya welat, sazî, kesayet û gelên ku ji bo peymanê ketine nava hewldanê, dikin. Em berxwedana mirovên xwe yên ji roja ewilî ve li hemû cîhanê hestiyarî nîşan dan û derketin kolanan, silav dikin.
Ji bo serketina vê pêvajoyê, weke DEM Partî em ê piştevaniya xwe ya bi biryar bidomînin.
Îradeya Rojava ji bo me esas e. Tişta dikeve ser milê me ew e ku piştgirî bidin biryarên wan. Em hewldana wan a muzakereyê û sekna wan a li ser maseyê, pîroz dikin. Me timî destnîşan kir ku pirsgirêk wê bi muzakere û diyalogê çareser bibin, îro jî em li heman cihî disekinin.”
