Desteya Rêveberiyên Herêmî ya Demokratîk daxuyaniyeke nivîskî da û got, “Li dijî biryara nehiqûqî ya li hemberî Hevşaredarê Bajarê Mezin a Wanê Abdullah Zeydan hatî dayîn, li seranserî welêt ji bo Zeydan û gelê Wanê piştevaniyeke mezin didome. Di dema van serdanên piştevaniyê de, Hevşaredarê Bajarê Mezin a Amedê Dogan Hatun daxuyaniyek da. Hin derdorên tarî dixwazin vê daxuyaniyê krîmînalîze bikin.”
Di daxuyaniyê de ev tişt jî hatin diyarkirin: “Tiştên ku Hevşaredarê me Dogan Hatun gotine, eşkere ne. Hatun li dijî xespa îrade, bêhiqûqî û bêmafiyê heqê gel ê îtîrazê aniye ziman. Ev li her devera cîhanê, mafê herî demokratîk e. Sûcdariyên li hemberî van daxuyaniyan û hewldanên manîpulasyonê, antî demokratîk in.
Li dijî manîpulasyonên medyayê û hewldanên krîmînalîzekirinê, me bi salan îradeya xwe bi rengekî herî xurt parast. Bila gumana ti kesê nebe ku em ê îradeya xwe hîn xurttir biparêzin.
Operasyonên wiha qirêj, li dijî hêviya aştî û demokrasiyê ya Tirkiyeyê ye. Em bang li her kesê dikin ku li dijî van polîtîkayên lîncê yên siyasî helwest nîşan bidin; li aliyê aştî, demokrasî û hiqûqê bisekinin.”
