Hejmara Tebaxê ya rojnameya mehane ya Komînalê bi manşeta “Komîn şaneya kokê ya civaka demokratîk e” hate weşandin. Di hejmarê de li ser mijarên; rêxistinbûna komînê, Pêvajoya Aştî û Civaka Demokratîk, konfederalîzma demokratîk, çapemeniya azad û xweparastinê nirxandin hatin kirin.
Nivîsa bi sernavê “Komînbûna di nava jiyan û kar de” ya Endamê Akademiya Zanistên Civakî ya Abdullah Ocalan, Dûran Kalkan di manşeta rojnameyê de hate weşandin. Di nivîsê de feraseta komînê ku şêweyê bingehîn ê rêxistinbûna demê ye, bi berfirehî hate nirxandin û tespîta “Bi pêşdîtin û ferzkirina ji jorê ve komîn bi rêxistin nabe” hate kirin. Kalkan ev nirxandin kir: “Perwerdeya girseyê û karên rêxistinbûnê yên komînê ava nake li xeta demê nayê. Yên ku komînê birêxistin bikin û bijîn, bêyî ku fêhm û qebûl bikin nikarin komînê birêxistin bikin û bimeşînin.”
Di rojnameyê de nivîsa bi sernavê “Azadiya fîzîkî ya Rêber Apo nebe nabe” ya Mûstafa Karasû ku pêvajoya siyasî dinirxîne hate weşandin. Karasû destnîşan kir ku ti projeya dûrî azadiya fîzîkî ya Rêber Apo nikare bi ser bikeve.
Di hejmara meha Tebaxê ya rojnameya komînal de ev nivîs jî cih digirin:
Nivîsa li ser fermandarê efsanewî Egîd (Mahsûm Korkmaz) ku ji nirxandinên Rêber Apo yên sala 1986’an hatiye berhevkirin, nivîsa bi sernavê “Sedsala nû: Bi entegrasyona demokratîk jinûve vejîn” a Halîl Cemal, nivîsa bi sernavê “Li ser bingeha konfederalîzma Rojhilata Navîn a Demokratîk çareseriya Rojhilata Navîn” a Alî Haydar Kaytan, nivîsa bi sernavê “Di têkoşîna azadî û hebûnê de pêşengiya çapemeniya azad” a Xebat Andok, nivîsa bi sernavê “Li ser karakterê xweparastinê ku nikare bê radestkirin” a Roza Welat û nivîsa bi sernavê “Çanda sosyalîst a bi gerîlatiyê hate afirandin” a Şiyar Amed.
Bergê dawî yê hejmara Tebaxê ya Komînal ji helbesta “Azadîxwaz” a Cegerxwîn re hate veqetandin.
