Endamê Komîteya Navendî ya Komeleya Zehmetkêşên Kurdistanê Ehmed Hisên Pena der barê êrişa nû ya Îranê ya li ser baregehên partiya wan a li Geliyê Alaneyê agahî da.
Ehmed Hisên Pena got; “Saet 13:30’an, Îranê careke din bi fuzeyan êrişî baregeha Komeleya Zehmetkêşên Kurdistanê ya li Geliyê Alaneyê kir. Heya niha tu agahiyek fermî derbarê hebûna qurbanî yan ziyanên canî de nîne. Her wiha ev êriş berdewamiya êrişên mûşekî û balafirên bê mirov ên Îranê ye ku li dijî baregehên partiyên Rojhilatê Kurdistanê yên li Herêma Kurdistanê pêk tîne.’’
Ehmed Hisên eşkere kir ku li gorî daneyên Komeleyê, ji destpêka şerê navbera Îran û Dewletên Yekbûyî yên Emerîkayê (DYE) ve heta niha, hejmara giştî ya fuze û droneyên ku ji bo armancgirtina kampên Komeleyê hatine bi kar anîn, gihîştiye zêdetirî 102 moşek Û droneyan.
Ji ber êrişên Îranê yên li ser Başûrê Kurdistanê heta niha zêdetirî 30 kesan jiyana xwe ji dest dan ku hinek ji wan welatiyên sivîl in û beşekî din jî pêşmergeyên partiyên Rojhilat yan Herêma Kurdistanê bûn.
