Daxuyanî ji aliyê Komeleya Piştevanî û Alîkariya bi Malbatên Girtiyan re ya Çukurovayê (Çukurova TUHAY-DER) hate dayin û gelek kes di dema daxuyaniyê de amade bûn. Di çalakiyê de pankarta bi nivîsa “Azadiya girtiyên jin nabe bê taloqkirin” hate hildan.
Hevseroka Çukurova TUHAY-DER’ê Adalet Kuran diyar kir ku tundiya li hemberî jinê ne tenê êrişên fîzîkî ye û got, zexta li ser nasname, îrade, azadî û mafê jiyanê yê jinan jî tundiya li hemberî jinê ye.
Adalet Kuran anî ziman girtiyên jin ên bi temen û nexweş bi pirsgirêkên tenduristiyê û astengiya li pêşiya dermankirinê re rû bi rû ne û got, jinên li benda berdanê ne, azadiya wan tê astengkirin.
Adalet Kuran destnîşan kir ku aştî ne tenê bêdengbûna çekan û pêkhatina hevdîtinan e û destnîşan kir ku divê jiyaneke welê bê avakirin ku jin karibin bi rengekî azad lê bijîn, bigihêjin zarokên xwe û mafên wan ên bingehîn bêne misogerkirin.
Bi dewamî ragihand ku bidawîkirina binpêkirinên mafên mirovan ên li girtîgehan, bicihanîna mafê dermankirinê yê girtiyên nexweş û azadiya girtiyên ku dema berdana wan hatiye pêwîstiyeke nebe nabe ya aştiya civakî ye.
Adalet Kuran ji bo malbatên girtiyan banga piştevaniyê kir û got, pirsgirêkên li girtîgehan ne tenê yên malbatên wan e, tevahiya civakê eleqedar dike.
Daxuyanî bi dirûşmên “Girtiyên siyasî rûmeta me ne” û “Jin, Jiyan, Azadî”, bi firandina kevokên aştiyê bi dawî bû.
