Li Komara Demokratîk a Kongoyê zêdetirî 2 hezar kesan ji ber şewba Ebolayê jiyana xwe ji dest dane. Li gorî daneyên dawîn ên rayedarên tendiristiyê, ji 4 hezar û 381 nexweşan 2 hezar 11’an jiyana xwe ji dest dane. Rêjeya mirina şewbê weje ji sedî 45,9 tê hesabkirin.
Krîza heyî ya şewba Ebolayê ya 17’emîn, bi taybetî li herêmên rojhilat û bakurrojhilat ku lê şer û pevçûn hene, belav dibe. Li van herêmên ku lê binesaziya tenduristiyê lawaz e û hebûna dewletê sînordar e têkoşîna li dijî şewbê jî zehmet e.
Şewba heyî li nêzî şewba di navbera salên 2018-2020’an de ya li Kongoyê dibe ku di wê navberê de jî 2 hezar û 300 kesan jiyana xwe ji dest dabûn. Tê diyarkirin ku şewba heyî bi lez belav dibe û hejmara kesên bi nexweşiyê ketine bi awayekî cidî zêde dibe.
Tê diyarkirin ku virûsa bi navê ‘’Bundibugyo’’ dibe sedema varyanta Ebolayê. Li hemberî vê varyantê hê parza yan jî tedawiyek hatiye erêkirin, tune ye.
Pisporên Rêxistina Tenduristiya Cîhanê (WHO) pêşniyar dikin ku Ervebon a tekane parzaya li dijî Ebolayê di şewba heyî de weke klînîk were bikaranîn. Pispor diyar dikin ku di mijara ewlehiya parzayê de ji ber daneyên berfireh ên beriya niha hatine bidestxistin bi awayekî rasterast derbasî ber bi xebateke klînîk ve bibin.
Di stoka parzaya Ebolaya Gerdûnî de nêzîkî 500 hezar dozên Erveboyê hene. Tê ragihandin beşeke parzayan ji ber bûyerên zêde tim li Komara Demokratîk a Kongoyê ne.
DYE’yê jî diyar kir ku ji bi têkoşîna li dijî şewbê ji bilî 242 milyon dolaran wê alîkariyeke zêdetir bike. Kanadayê jî derstûr da xebatên têkildarî parzayê.
Şewba li Kongoyê ji ber şer û pevçûnên berdewam, kêmasiyên binesaziya tenduristiyê û derengmayînên tespîtkirina şewbê karê ekîbên tenduristiyê dijwartir dikin.
