Di raporê de hate ragihandin ku meha Hezîranê 16 rojnamevan hatin binçavkirin, 6 jê hatin girtin. Hate ragihandin ku bi girtinên dawî re hejmara rojnamevanên li girtîgehê ragirtî ne gihîşt 34 kesan.
DFG’ê serdegirtina li kovara Leman û binçavkirina xebatkarên wê weke mînakek ji êrîşên bi rêk û pêk ên li ser azadiya fikir û îfadeyê pênase kir.
Li gorî raporê meha Hezîranê 9 rojnamevan ketin ber lêpirsînê, doz li 13 rojnamevanan hate vekirin. Hate gotin, nûçegihana Ajansa Nûçeyan a Mezopotamyayê Zeynep Dûrgût û rojnamevan Alîcan Ûlûdag ji ber nûçeyên xwe bûn hedefa gefxwarinan. Her wiha rojnamevan Zîlan Gul jî ji ber belavkirina rojnameyê û nûçeyê 2 sal û meh cezayê girtîgehê lê hate birîn.
Di raporê de işaret bi binpêkirina mafên civakî jî hate kirin ku nedana mûçeyên xwarin û mehane yên 158 rojnamevanên KRT’ê û derxistina 16 rojnamevanan ji kar weke mînak hate nîşandan.
DFG’ê diyar kir ku zext û kiryarên antî demokratîk ên li hemberî rojnamevanan zêde bûne û destnîşan kir ku li hemberî vê yekê wê têkoşîna xwe ya heqîqetê dewam bikin.
