Navenda Çavdêriya Mafên Mirovan a Sûriyê (SOHR) da zanîn ku navên 58 girtiyên di girtîgehên hikumeta veguhêz a Sûriyeyê de yên ku hatine kuştin, hatine belgekirin. Li gorî SOHR’ê ji zêdetirî 9 mehan ve li girtîgehên Hema, Hims, Edra, Harim, Efrîn û Raî 8 hezar girtî hene.
SOHR’ê destnîşan kir ku ew girtî bê ku tu sedemên zelal û sûc li dijî wan hebin hatine girtin.
Hat diyarkirin ku girtî di şert û mercên dijwar de dijîn û ji mafên xwe yên rewa wekî xwarinê bêpar hatine hiştin. Her wiha ji bo ku rewşa jiyana girtiyan were başkirin, pere ji malbatên wan tên xwestin.
