Hejmara 26’emîn a Kovara Lemanê bi hinceta ku Hz.Mihemed hatiye teswîrkirin, bû hedefa êrişan. Piştî ku rayedarên desthilatê kovar kirin hedef, der barê kovarê de bi îdiaya “heqaret li pîroziyên olî kiriye” lêpirsîn hate vekirin û 4 kes hatin binçavkirin.
Di çarçoveya lêpirsînê de Midûrê Karên Nivîsan Zafer Aknar, grafiker Cebraîl Okçû, karîkaturîst Dogan Pehlîvan û gerînendeyê saziyê Alî Yavûz hatin binçavkirin. Hate zanîn ku du kesên ku der heqê wan de biryara girtinê hatibû dayîn li derveyî welêt in. 4 kesên ku hatibûn binçavkirin piştî îfadeya li emniyete sewqî edliyeyê hatin kirin.
Her 4 kes piştî îfadeya li dozgeriyê bi daxwaza girtinê sewqî dadgehê hatin kirin.
