Di operasyona 3’ê Sibatê de 96 kes hatibûn binçavkirin. Ji kesên hatin binçavkirin, 47 kes duh hatin girtin û 9 kes jî bi şertê kontrola edlî hatin berdan.
40 kesên ku karûbarên wan Midûriyeta Stenbolê temam bû, sewqî Edliyeya Stenbolê ya Çaglayanê hatin kirin.
Dozgerî derbarê 16 kesan de kontrola edlî û derbarê 24 kesan de jî daxwaza girtinê da. Dadgehê biryar da ku 24 kes werin girtin û 16 kes jî bi şertê kontrola edlî werin berdan.
Li aliyê din, 6 kesên ku li Meletî û Dîlokê hatin binçavkirin, bi SEGBIS’ê îfade dan. Ev 6 kes jî ji aliyê dadgehê ve hatin girtin.
