Pentagonê ev droneyên nû ku navê FLM-136 an jî LUCAS lê kiriye, ji modela Şahid-136 a Îranê sûd wergirtiye û çêkiriye. Droneyên Şahid-136 di şerê li Ûkraynayê de ji aliyê Rûsyayê ve gelekî têne bikaranîn.
Wezîrê Parastinê yê Dewletên Yekbûyî yên Emerîkayê (DYE) Pete Hegseth dixwaze, vê projeya ku parçeyeke stratejiya “Serweriya Drone” ya bi maliyeteke kêm li hemû yekîneyên artêşê bi cih bike.
Pentagon destnîşan dike ku divê droneyên bêmirov ên hîn erzan û bi lez dikarin bêne bicihkirin bikevin şûna sîstemên bi maliyeta zêde.
CENTCOM’ê di 3’ê Kanûna 2025’an de komeke xebatê ya bi navê “Task Force Scorpion Strike” ava kir û ev yekîneya nû bi fermî da destpêkirin. Droneyên LUCAS ji ailyê StekreWorks a li Arizonayê ve têne hilberandin.
Bi maliyeta xwe ya ji 35 hezar dolarî li gorî MQ-9 Reaper a bi 16 milyon dolarî alternatîfeke erzan e.
Rayedarên DYE’yê diyar kirin ku ev gav wê li Rojhilata Navîn hêza wan hîn xurt bike, leşkerên Emerîkî biparêze. Yekîneya FLM-136 li nuqteyên veşartî yên li Rojhilata Navîn tê bicihkirin.
