Sefaretxaneya Bilind a Beyrûdê ya DYE’yê li ser hesaba xwe ya X’ê dîmenek parve kir. Di dîmen de Rena Bitter wiha got: “Lubnan dostekî hêja yê DYE’yê ye. Washington’ê bala xwe daye ser Lubnanê.”
Bitter her wiha bang li welatiyên DYE’yê kir ku li ser sîteya web a Wezareta Karên Derve û sîteya Web a sefaretxaneya bilind a DYE’yê, qeyda xwe çêbikin. Bitter, got: “Piştî ku we qeyda xwe çêkir, hûn ê yekser ji sefaretxaneya bilind a DYE’yê hişyarî û nûbûnan werbigirin.”
Bitter ev tişt jî got: “Eger rêya hewayî ya ticarî ne guncaw be, di rewşa heyî de bila yên li Lubnanê amade bin ku wê demek dirêj li Lubnanê bimînin. Eger hezkiriyên we plan dikin ku vê havînê li Lubnanê serdana we bikin, ji kerema xwe pêşniyar bikin ku bila zehmetiyan li ber çav bigirin û seyahetên xwe li ber çav derbas bikin. Dibe ku pevçûnên li herêmê, xirabtir bibin.”
Roja Şemiyê di encama bombebaranê de, 12 zarok û ciwanên ku li saheyeke futbolê ya li Girê Golan a ayîdê Sûriyeyê dilîstin, jiyana xwe ji dest dan. Îsraîlê, Hîzbûllah ji êrîşê berpirsyar nîşan da, Hîbûllahê jî red kir.
ELMANYA: DEMILDEST TERK BIKIN
Hikûmeta Berlînê jî ragihand ku bila welatiyên Elman “demildest” Lubnanê biterikînin.
