Endamên Meclisa Malbatên Şehîdan a bajarê Şedadê yê kantona Cizîrê êrîşên komên çete yên dewleta Tirk ên di nava hêzên hikumeta demkî de yên li dijî taxên Şêxmeqsûd, Eşrefiyê û Benî Zêd ên bajarê Helebê şermezar kirin.
Girêdayî mijarê, endama rêveber a Meclisa Malbatên Şehîdan Îman El Ferec êrîş bi tundî şermezar kirin û diyar kir ku di vê zivistanê û seqemê, welatî hatin şehîdxistin, birîndarkirin û mal hatin wêrankirin.
Îman banga destwerdana lezgîn ji bo bidawîkirina van sûcan û parastina welatiyan kir.
Endama Komîteya Lihevanînê ya meclisê Fatme El Hisên da zanîn ku gelê herêmê bi tevahî piştgiriyê dide xelkê Şêxmeqsûd û Eşrefiyê û van êrişan bi tundî şermezar dikin.
Endama Komîteya Şopandinê ya meclisê Weed El Faris jî anî ziman ku êrişên li dijî taxên Şêxmeqsûd û Eşrefiyê “êrîşên terorî” ne.
Weed bang kir ku divê demildest ev êrişên dijminane yên ku rewşa mirovî ya herêmê xerabtir dikin, rawestin.
