Serokê Giştî yê berê yê CHP’ê Kemal Kiliçdaroglu, biryara partiya xwe ya neçûna Îmraliyê ya ku di Komîsyona Parlamenê de hate girtin, rexne kir. Kiliçdaroglu di daxuyaniya xwe ya li ser hesabê medyaya civakî de diyar kir ku CHP ne partiyeke asayî ye û tekez kir ku partî xwedî kod, kevneşopî û du mîsyonên mezin e.
Kiliçdaroglu diyar kir ku divê CHP li Rojhilata Navîn di nava pêvajoyê de be û got, “Divê rîskê hilde, li mijarê ji sîyasetê zêdetir binêre û destê xwe bixe bin kevir. Li aliyê rast ê dîrokê sekinîn wêrekî û biryardariyê dixwaze.”
Kiliçdaroglu destnîşan kir ku pêşîniyên partiyê paqijhîştina siyasetê û nîşandana rê ye ji dewletê re ye, û anî ziman ku CHP nikare bi bertîl û gendeliyê were bibîranîn, divê di cih de paqij bibe û rêya xwe bidomîne.
Kiliçdaroglu di daxuyaniya xwe de bal kişand ser rola Tirkiyeyê ya li erdnîgariyên ku ji Rojhilata Navîn heta Asyayê, ji Qefqasan heta Ewropayê, û got ku divê CHP di çarçoveya berjewendiyên bilind ên dewletê de pêşengiya pêvajoyê bike.
Kiliçdaroglu peyama xwe bi van gotinan bi dawî kir: “Li ber dîrokê, em bi gelê xwe yê ezîz re, meşa xwe ya maf, hiqûq û dadweriyê didomînin.”
