Înîsiyatîfa ji Girtiyên Nexweş re Azadî di hefteya 599’an de ji bo balê bikşînê ser rewşa girtiyê nexweş Tayfun Karaman ê Girtîgeha Sîlîvrî ya Marmarayê tê ragirtin, li Cahdeya Sakarya ya navçeya Çankaya ya Enqereyê daxuyanî da. Di daxuyaniyê de pankarta “Mafê dermankirin nayê astengkirin” “Ji girtiyên nexweş re azadî” hat vekirin. Endamên Komeleya Mafê Mirovan (ÎHD) a Enqereyê û partî û saziyên civakî û kes tevlî daxuyaniyê bûn. Di daxuyaniyê de dirûşmên, “Ji girtiyên siyasî re azadî” û “Tecrîd êşkenceye, bila bi dawî be” hatin berzkirin.
Metna daxuyaniya endamê ÎHD’ê ya Şaxa Enqereyê Bariş Barişik xwend.
Şaxa ÎHD’ê ya Îzmîrê di çalakiya xwe ya du hefteyan carekê pêk tîne de bail kişand ser rewşa girtiyên nexweş Esmer Avaz û Mehmet Emîn Çam. Çalakiya daxuyaniyê li pêşiya Sumerbankê ya li Konakê ya Îzmîrê hat lidarxistin. Di daxuyaniyê de pankarta “Girtiyên nexweş dimirin, bêdeng nemîne û nebe şirîkê mirinan” hate vekirin. Daxuyaniyê endama ÎHD’ê Zîlan Gumuş xwend.
Daxuyanî bi çalakiya rûniştinê û çepikan bi dawî bû.
Her wiha li Stenbolê jî bi heman armancê çalakî hate lidarxistin.
