Hejmara 519’an a rojnameya Serxwebûn hate weşandin. Rojnameyê banga Rêber Apo ya Aştî û Civaka Demokratîk kir manşet. Di rojnameyê de nivîsên Duran Kalkan, Alî Haydar Kaytan, Meclîsa PAJK’ê, Cemal Şerîk û Şiyar Amed cih digirin.
Endamê Komîteya Rêveber a PKK’ê Duran Kalkan di nivîsa xwe de banga Rêber Apo dinirxîne û destnîşan dike ku bang divê rast û têrker were fêmkirin.
Meclîsa PAJK’ê jî di dinivîsa xwe ya bi sernavê “Banga Rêber Apo afirandina serdema jinê ye” de banga ‘Aştî û Civaka Demokratîk’ dinirxîne.
Alî Haydar Kaytan di beşa duyem a nivîsa bi sernavê “Rastiya rê şoreşa azadiyê” de têkildarî mirovê bihêz nirxandinê dike.
Di hejmara vê mehê ya rojnameyê de, di rêzenivîsa “Pirsgirêka Rojhilata Navîn û Çareseriya Modernîteya Demokratîk” de ya ku ji parêznameyên Rêber Apo hatî girtin, “li Rojhilata Navîn şerên modernîteyê û encamên muhtemel” tê nirxandin.
Nivîsa Celal Amed a bi temaya Şehîdên Helebce û Qamişlo bi sernavê “Kurdistan di Şoreşa Azadiyê de dijî” di hejmara 519’an a rojnameyê de cih digire. Celal Amed di nivîsa xwe de diyar dike ku qirkirinên Enfal û Helebceyê ji aliyê Seddam ve hatin kirin û armanca vê jî tasfiyekirina Têkoşîna Azadî û Demokrasiyê ya gelê Kurdistanê bû.
Endamê Komîteya Navendî ya PKK’ê Cemal Şerîk jî di nivîsa xwe de medyaya hikûmeta AKP’ê dinirxîne.
Şiyar Amed jî di nivîsa xwe ya bi sernavê “Wezîfeyên me û derfetên dîrokî yên li pêşiya têkoşîna yekbûyî” de, destnîşan dike ku li dijî sîstemê pêngava şoreşgeriyê ya ewilî, divê di qada zihniyetê de be.
