Li gorî agahiyên ku ji Meclisa Koçberên Efrîn û Şehbayê ya Qamişloyê hatin wergirtin, hejmara koçberan heya niha gihaştiye 3 hezar û 400 kesî û li bajarên Hesekê, Qamişlo, Dêrik, Girkê Legê, Tirbespiyê û Amûdê bi cih bûne. Koçber li mizgeft û li 71 sazî û dibistanên li Qamişloyê hatine bicihkirin.
Heyva Sor a Kurd tedawîkirina koçberan dike û rojane ew bi klînîkên gerok li deverên ku lê koçber hene digere.
Karwanê ku duh ji Başûrê Kurdistanê derbasî Qamişloyê bûbû, îro dest belavkirina alîkariyên ji bo koçberan kir.
Meclisa Koçberên Efrîn û Şehbayê ya li Qamişloyê diyar kir ku ji ber ku hejmara koçberan zêde dibe, cih bi zehmetî tê peydakirin û alîkarî ji bo koçberan pêwîst e.
