Hevserokên Giştî yên Partiya Demokrasî û Wekheviyê ya Gelan (DEM Partî) Tulay Hatîmogûllari û Tuncer Bakirhan, li Stenbolê çûn serdana Serokê Giştî yê CHP’ê Ozgur Ozel. Hevserokên Giştî, tevî endamên MYK’ê û rêveberên rêxistina bajar a Stenbolê çûn avahiya rêxistina CHP’a Stenbolê ya berê ku niha ji hêla Ozel ve weke ofîsa xebatê tê bikaranîn.
Şandeya DEM Partiyê ji hêla Serokê Giştî yê CHP’ê Ozgur Ozel, Cîgirê Serokê Giştî Gokhan Gunaydin, Serokwekîlê Koma CHP’ê Alî Mahîr Başarir, Wekîlê CHP’ê Tahsînca Becan û Serokê CHP’a Stenbolê Ozgur Çelîk ve li ber derî hate pêşwazîkirin.
