Hêza Jinan a Ermen-Tabûra Şehîd Nûbar Ozanyan agahiyên li ser nasnameya şervaneke xwe ya şehîd bû bi raya giştî re parve kir. Di daxuyaniyê de hat ragihandin ku şervana wan Talar (Nesrîn Şukrî) di encama qezayê de şehîd bû.
Di daxuyaniyê de hate gotin, “Em bi xemgîniyeke mezin şehadeta hevrêya xwe Talar radigihînin” û hate ragihandin ku hevrêya wan dema ku bi erka xwe radibû di encama qezayekê de şehîd bû.
Di daxuyaniyê de işaet bi kesayetî û têkoşîna Talar hate kirin û hate destnîşankirin ku ew mînakeke îradeya xurt û wêrekiyê ya bêhempa bû, baweriya xwe ya bi dozê heta kêliya dawî dewam kir.
Di dewama daxuyaniyê de hate gotin, “Hevrêya me ya berxwedêr Talar mînakeke îradeya xurt û wêrekiyeke bêhempa bû; di her gavê de ruhê têkoşîna daîmî û fedakariya bêdawî ji xwe re kiribû esas. Her tim baweriya xwe bi edaleta doza xwe anî û ji ber vê yekê jî heta kêliya dawî li ser rêya şoreşgerî meşiya. Em ê wê di dilê xwe de bi bîr bînin û ji bo me bibe çavkaniya berxwedan û fedakariyê.”
Di daxuyaniyê de hate ragihandin ku windahiya wan mezin e, lê di heman demê de berpirsyariyeke giran dide ser milê wan û hate gotin, “Em ê li ser rêya şehîdên xwe dewam bikin û dilsozê pîvanên wan bin ku di oxira wê de canê xwe feda kirin.”
Herî dawî jî hate ragihandin ku wê têkoşîna xwe heta serketina armancên wekhevî, edaleta civakî û azadiyê dewam bikin û şehîd Talar bi hurmet hate bîranîn.
