Hindistanê êrîş bir ser hedefên li Pakistanê û herêmên Jammu û Keşmir ên di bin dagirkeriya Pakistanê de ne. Li gorî nûçeya Pakistan Today, berdevkê artêşa Pakistanê bi daxuyaniyekê ragihand ku wê bi rengekî guncaw bersiv ji êrîşên bêsedem ên Hindistanê re bê dayin. Berdevk anî ziman ku xisara ji ber êrîşê li herêmê bûye tê nirxandin û wê di demeke nêz de hîn bêhtir agahiyan parve bikin.
Berdevk got, “Pakistan wê di dem û cihê bi xwe diyar bike de bersivê bide êrîşên Hindistanê. Ev êrîş wê bê bersiv nemîne” û anî ziman ku Hêzên Hewayî yên Pakistanê di alarmê de ye, lewma jet ên Hindistanê wê nikaribin bikevin qada hewayî ya Pakistanê.
Hikumeta Pakistanê jî ragihand ku sê sivîlan jiyana xwe ji dest dan.
Piştî demeke kurt hate ragihandin ku 2 balafirên şer ên Hint hatine xistin.
Wezareta Parastinê ya Delhî ya Nû jî êrîş piştrast kir. Wezaretê di daxuyaniya xwe de ragihand ku di ‘Tevgera Sindoor’ de li 9 hedefan xistin û got, hedef ‘binesaziya terorîstan’ bûn.
