Di daxuyaniya ku li ser televîzyona hikûmeta Hûsiyan hat weşandin de hate diyarkirin ku Serokwezîr Mucahîd Ehmed Xalib el-Rehawî di dema “komxebateke rûtîn” a ji bo nirxandina xebatên hikûmetê yên di sala borî de bû hedef hat girtin. Di daxuyaniyê de hat destnîşankirin ku di êrîşê de gelek wezîr jî hatin kuştin.
Her çiqasî Îsraîlê bi fermî li ser bûyerê daxuyanî nedaye jî, çavkaniyên leşkerî ragihandin ku lîderê Hûsiyan di rojên dawî de bûye hedef. Rayedaran diyar kirin ku operasyon piştî êrîşa Hûsiyan bi fuzeyan, pêk hat.
Piştî êrîşên 7’ê Cotmehê Hûsiyan ji bo tevkariya Filistîniyan êrîşî keştiyên bazirganiyê yên li Deryaya Sor dikin. Her wiha gelek fuze avêtin Îsraîlê û piraniya wan ji hêla pergala parastina hewayî ve hatin xistin.
