Di çalakiyên li Riha, Mêrdîn, Amed, Dersim, Çewlîg, Êlih, Îzmîr, Şirnex, Edene, Hatay û Antalyayê de pankartên “Ji bo aştiyê banga lezgîn, bila êrîşên li ser Rojava bên sekinandin, sûcên hatine kirin bên lêpirsînkirin” hatin vekirin. Nûnerên gelek rêxistinên civakî yên sivîl û partiyên siyasî beşdarî daxuyaniyan bûn.
Rêveberên ÎHD’ê bal kişandin ser binpêkirina mafên mirovan, êşkence, Înfaz û koçberiya bi zorê ya li Rojava û Sûriyeyê û destnîşan kirin ku jiyana Kurdan, Elewiyan, Durziyan, Suryaniyan û gelên din di bin gefê de ye. Hat diyarkirin ku ev êrîş peymanên hiqûqa navneteweyî yên Cenevreyê binpê dikin.
Bang li hêzên navneteweyî û Neteweyên Yekbûyî hate kirin ku li hemberî êrîşan bêdeng nemînin.
DEM PARTIYÊ NOBETA MIROVAHIYÊ DEWR GIRT
Li aliyê din di roja 6’an a “Nobeta Mirovahiyê” de ku ji aliyê ÎHD’ê ve li dijî êrîşên li ser Rojava û Sûriyeyê hate destpêkirin, Rêxistina Enqereyê ya DEM Partiyê nobet dewr girt.
