Li Bakur û Rojhilatê Sûriyeyê di çarçoveya 25’ê Mijdarê Roja Têkoşîna Li Dijî Tundiya Li Ser Jinê Ya Cîhanê de, li bajarê Şêdadê ya Kantona Cizirê, li bajarê Şêran a Kantona Firatê û li Helebê çalakiyên cuda hatin lidarxistin. Di semîner, meş û panelên bi pêşengiya Kongra Star û Meclîsa Jinan a Sûriyeyê de îşaret bi asta tundiya li ser jinê û pêwîstiya veguherîna çandî hate kirin.
ŞÊRAN
Kongera Star a Kantona Firatê sermîner ya bi dirûşma “Bi hev re em civateke demokratîk û komunal ava dikin de ku tundiye bi dawî bikin” li hola navenda PYD`ê ya bajarê Şêranê bi amadebûna bi dehan şêniyên Şêranê, endamên saziyên Rêveberiya Xweser, rêxistinên jin, li darxist.
Semîner bi deqeyek rêzgirtin dest pê kir. Dûre sermîner ji aliyê Hevseroka kar û barên Civakî a Kantona Firatê Felek Yûsif û Parêzer Şahîn El Elî ve hate dayîn.
Di semînerê de hate diyar kir ku bi hezaran salan jin li hemberê tundiyê tên. Em jî Divê bi berxwedan û têkoşîna xwe xurtir bikin û li dijî tundiyê ber bikin bend û tundiyê ji holê rakin.
Pişte endamên Çand û Hunera Baqî Xido şano ji bo 25`ê Mijdarê hat pêşkêşkirin.
ŞÊDADÊ
Girêdayî mijarê, Kongra Star a bajarê Şedadê yê kantona Cizîrê, ji bo xurtkirina rola mêran di têkoşîna li dijî şêweyên tundiya civakî de meşek ji bo mêran li dar xist.
Meş ji pêş avahiya Partiya Yekitiya Demokratîk (PYD) a bajêr bi amadebûna bi dehan mêran, berzkirina diruşmên şermezarkirina tundiya li dijî jinê dest pê kir. Mêr di kolana giştî ya bajêr re ber bi Parka Rêber Apo ve çû.
Li Parka Rêber Apo, endamê PYDˊê Mihemed El Xilêf axivî û got: “Hîna tundiya li dijî jinan rê li ber pêkanîna wekhevî, geşepêdan, aştî û mafên jinan digire. Bêyî sînordarkirina tundiya li dijî jinan geşepêdana mayînde pêk nayê. Em her tim hewl didin ku jinan di warên jiyanê de bikin bingeh.”
El Xilêf anî ziman ku beşdariya wan firsetek e ji bo xurtkirina hişmendî û guhertina reftarên neyênî yên wergirt.
El Xilêf di dawiyê de bang li tevahî mêran kir ku bi awayekî cidî li dijî tundiyê bisekinin û di kampanyayên hişyarî û piştgiriyê de beşdar bibin.
Meş bi diruşma “Jin, Jiyan, Azadî” bi dawî bû.
HELEB
Meclisa Jinan a Sûriyeyê li bajarê Helebê bi sernavê “Jin di nava krîza gerdûnî û paşguhkirina hebûnê de” panelek li dar xist.
Panel li hola civînan a Meclisa Sûriya Demokratîk (MSD) a taxa Şêxmeqsûd a Helebê hat lidarxistin. Mijara yekemîn a bi sernavê “tundiya li dijî jinê û rêbazên rûbirûbûna wê” ji hêla rêvebera MSDˊê Leyla Xalid û mijara duyemîn bi sernavê “aliyên qanûnî” ji aliyê parêzer Meha Ehemd ve hat xwendin.
Di mijara yekemîn de bal li ser xurtkirina jinan hat kişandin, ji ber ku ji mijara civakî ya herî girêk e.
Li kêlek wê jî hat diyarkirin ku jin û mêr nikarin ji xeleka ku zihniyeta desthilata xêz kiriye derkevin heta ku ev zihniyet neyê şikandin.
