Parastina Sivîl a Fîlîstînê li ser Telegramê daxuyanî da û ragihand ku “hêzên Îsraîlê yên dagirker di wextê şefeqê de êrîş kirin” û ji dibistana Fahmi Aljarjavi ya li semta Aldaraj piranî jê zarok 20 “şehîd” derxistine. Li gorî daneya ewilî zêdeyî 60 kes jî birîndar bûn.
Tevî zexta navneteweyî ya zêde dibe jî, Îsraîl êrîşên xwe yên li herêmê zêde dike. Roja Yekşemê Parastin Sivîl ragihandibû kul i Xezeyê di gelek êrîşên hewayî de jineke ducanî û zarok jî din av de 22 kesan jiyana xwe ji dest dan.
Îsraîl a ku dawî li agirbesta dumehî anî, di meha Adarê de car din dest bi êrîşên li ser Xezeyê kir û di 17’ê Adarê de bi îdîaya tunekirina Hamasê, rizgarkirina dîlgirtiyên dawî û bidestxistina kontrola herêmê operasyonên xwe yên leşkerî zêde kir.
Li gorî daneyên Wezareta Tenduristiyê ya hikûmeta Hamasê ku ji aliyê Neteweyên Yekbûyî (NY) ve weke cihê baweriyê tê qebûlkirin, ji ber êrîşên Îsraîlê piranî jê sivîl 53 hezar û 939 kesên ji Xezeyê jiyana xwe ji dest dan.
