Guler ê ku ji sala 1994’an û vir ve tê girtin, di lîsteya ‘girtiyên nexweş ên giran’ a Komeleya Mafên Mirovan (ÎHD) de cih digirt.
Li ser serlêdana parêzeran Guler di 20’ê Hezîranê de sewqî Saziya Tiba Edlî (ATK) hat kirin. 11’emîn Lijneya Texsîsê ya ATK’ê têkildarî rewşa Guler di 27’ê Hezîranê de rapor amade kir.
Di raporê de Lijneyê bal kişand ser temen, tenduristî, derman û raporên ku nexweşxaneyan dane Guler û rapora “Jiyana xwe nikare bi tena serê xwe bidomîne” da.
Li ser bingeha vê raporê biryara berdana Guler hat dayîn.
SIDDIK GULER KÎ YE?
Siddik Guler ji ber sedemên siyasî cezayê girtîgehê ya heta hetayê lê hatiye birîn û bêhtirî 30 sal in di girtîgehê de ye. Guler ê ku bi îdiayên siyasî hatiye cezakirin, nexweşê hîpertansiyon, hestî, dil, romatîzma û Alzhemeriyê ye. Her wiha ji ber extiyariya xwe nexweşiyên weke jibîrkirin, nebihîstin û axaftina bi zorê lê peyda bûne. Guler, di erebeya astengdaran de hewl dide jiyana xwe bidomîne.
