Li gorî plana dîplomatîk ku ji aliyê BBC’yê ve hat eşkerekirin, bi pêşengiya Misir û Qeterê hewldanên nû ji bo agirbestek mayînde di navbera Îsraîl û Filîstînê de pêk bê, destpê kirine. Di vê hewldanê de tê pêşbînkirin ku di berdêla agirbesta ji 5 heta 7 salan de hemû dîlgirtî bêne berdan û hêzên Îsraîlê bi temamî ji herêma Filîstînê vekişe.
Li gorî BBC’yê rayedarek Filîstînê ragihandiye ku Hamas amade ye ku kontrola Xezeyê radestî saziyek Filîstînê ya ku wê ji hêla herêmî ve were pejirandin bike. Tê diyar kirin ku ev sazî dikare ji Rêveberiya Filîstînê pêk bê ango ‘pêkhateyek îdarî ya nû.’ Lê Serokwezîrê Îsraîlê Netanyahu berê jî vê vebijêrkê qebûl nekiribû.
Kanala El-Hedat a Siûdiyê ragihand ku di du rojên pêş de li Qahîre û Dohayê serdanên nû ya danûstandinan bi beşdarbûna hêzên navneteweyî tê plankirin.
Hate ragihandin ku heyetek Hemasê ku di nav wan de berpirsên payebilind Xelîl El-Heya û Mihemed Derwîş jî hene ji bo ku bi navbeynkaran re hevdîtinê bikin çûne Misirê.
Li gorî dezgehên çapemeniyê yên Qeterê El-Erebî El-Cedîd ragihand ku heyeteke Îsraîlê bi armanca jinûve destpêkirina danûstandinan, êvara Yekşemê çûye Qahîreyê.
Li gorî nûçeyê, Hamasê plana Îsraîlî ya ji bo berdana hinek dîlan red kir. Karbidestê Hamasê Xelîl el-Haya got ku ew amade ne ku di berdêla azadkirina girtiyên Filîstînî de, hemû dîlgirtiyan azad bikin.
Serokwezîrê Îsraîl Netanyahu, her wiha li dijî peymana bi Hamasê re nerazîbûna xwe berdewam kir û got, “Ez wekî serokwezîrê we dê teslîm nebim. Eger em niha li ber fermanên Hamasê serî bitewînin, em ê hemû destketiyên xwe yên mezin winda bikin.”
