Meclisa Jinan a Meclisa Malbatên Şehîdan a Kantona Reqayê bi daxuyaniyekê banga azadiya fîzîkî ya Rêber Apo kir.
Daxuyanî li qada Meclisa Malbatên Şehîdan a bajarê Reqayê bi amadebûna nûnerên saziyên sivîl û tevgerên jinan hat dayîn.
Endama Koordînasyona Jinan a Meclisa Malbatên Şehîdan a Kantona Reqayê Cemîla Xelîl daxuyanî xwend.
Di daxuyaniyê de hate gotin, zêdetirî 25 sal e Rêber Apo ragirtî ye û di bin tecrîdê de ye, ji ber projeyeke mirovî hilgirtiye ku daxwaza azadî, demokasî, edaleta civakî ji bo tevahî gelan, di serî de azadiya jinan dike.
Di daxuyaniyê de tecrîda li ser Rêber Apo hat şermezarkirin û hate gotin Rêber Apo ne dengê pêkhateyek tenê bû, lê dengê tevahî pêkhateyan e.
Di daxuyaniyê de hate destnîşankirin ku azadiya fîzîkî ya Rêber Apo azadiya jinan û tevahiya civakê ye.
Di dawiya daxuyaniyê de bang li rêxistinên mirovî û hiqûqî hat kirin ku azadiya fîzîkî ya Rêber Apo pêk bînin û wekî gaveke esasî ber bi pêkanîna aştî û demokasiyê li herêmê û cîhanê ve bi nav kir.
