Lîstika bi navê ‘Jinên Wêrek – Bîranînek ji bo îro’ (Mutige Frauen – Erinnern ins Jetzt) ku li Basel Volksbuhne tê pêşandan, çîroka jinên ku li dijî zilm û zordariyê li ber xwe didin vedibêje. Lîstika ku bi hevkariya 5 şanogeran hatiye amadekirin, ezmûnên rastîn ên jinên ku di serdem û deverên cuda de jiyane, nîşan didin.
JI SARA BER BI EMMA GOLDMAN VE
Şano ji têkoşîna jinên Kurd ên wekî Sakîne Cansiz, Arîn Mîrkan, Nagîhan Akarsel, Hevrîn Xelef, Gurbetellî Ersoz û Ayşe Şan îlham digire. Her wiha ji jiyana jinên wêrek ên ji serdemên cuda, di nav de Emma Goldman, Barbara Kistler û Christa Wolf jî heyî îlhamê digire.
SERDEMÊN CUDA Û EZMÛN
Derhênerî û adaptekirina lîstikê ji aliyê Anina Jendreyko ve hatiye kirin û Carmen Dalfogo, Berfin Emektar, Ewi Saoulidou û Clemence Gabrielidis jî li ser dikê ne. Dramaturjî û deng ji aliyê Axel Nitz ve, koreografî ji aliyê Mirjam Gurtner ve û sêwirana dikê û cil û bergên wê jî ji aliyê Martina Ehleiter û Eva Butzkies ve hatine amadekirin.
Koma Volksbuhne Baselê, diyar kirin ku ew ji eleqeya ku piştî pêşandana yekem di 31’ê Çileyê de ji bo şanoyê hatî nîşandan kêfxweş in.
Koma şanoyê, destnîşan kir ku enerjiya baldar û xurt a temaşevanan bandorek kûr li ser wan kiriye û gotin ku ew di vê mijarê de bertekên erênî wergirtine.
Di daxuyaniyê de, her wiha hat gotin ku pêşandana şanoyê wê di du hefteyên bê de jî berdewam bike û bigihîje girseyek hîn mezintir.
HETA 14 SIBATÊ LI SER DIKÊ NE
Lîstika bi navê ‘Mutige Frauen – Erinnern ins Jetzt’ ku di 3’ê Çileyê de cara yekem hate pêşandan, dê her êvarê saet 19:30’ê heta 14’ê Sibatê li Druckereihalle, Ackermannshof li Baselê were pêşandan. Piştî her performansê dê di navbera temaşevanan û lîstikvanan de hevdîtinek biçûk pêk were.
Dikarin bîletê li ser Eventfrog an jî [email protected] werin standin.
Çavkanî: Yenî Ozgur Polîtîka
