Nirxandina Endamê Komîteya Rêveber a PKK’ê Dûran Kalkan a têkildarî Endamê Heyeta Îmraliyê Sirri Sureyya Onder bi vî rengî ye:
“Yek ji kesên ku hêza herî mzin da karên Rêber Apo, weke kesekî herî zêde jê re bû alîkar ewladê leheng ê gelên Tirikyeyê hevrêyê me yê şoreşger sosyalîst Sirri Sureyya Onder bû. Bi rastî jî dostekî gelekî hêja û hevrêyek bû. Ji merasîma cenaze, ji dema li nexweşxaneyê bû û nûçeyên têkildarî wî de hate dîtin ku di têkiliyên bi mirovan re çiqasî bi bandor bû.
Ji Rêber Apo gelekî bi bandor bûbû. Me daxuyaniya Rêber Apo ya têkildarî şehadeta wî dît, xwend. Ji vê daxuyaniyê mirov fêhm dike bê çiqasî bandor li Rêber Apo jî kiriye. Daxuyaniyeke gelekî kûr, bi wate û hestewar bû.
Di afirandina zemînê karekî bi vî rengî û amadekirina vê atmosferê de li gel Rêber Apo yek ji kesên ku herî zêde xebitî, berdevkê wan bû. Berdevkê wê heyetê bû ku bi Rêber Apo re di nava têkiliyê de bû. Lewma kesê herî bi bandor bû. Tevkariya herî mezin li kongreya me kir, li vê civînê kir.
Biryarên ku di vê civîna xwe de em ê werbigirin, wê tevkariyeke mezin li armanc, xewn û xeyalên Sirri Sureyya Onder bike. Wê encamên welê bi xwe re bîne ku bigihîne serketinê. Divê em van xeyal û armancên Rêber Apo bi ser bixînin.
Wê bibe bersiva herî baş a li gotin û banga wî. Baweriya me bi vê yekê heye.
Wekî din divê mirov du tiştên din jî bibêjin. Bersiva ji bo pirsa ‘Kesayetekî sosyalîst divê çawa be?’ em di xeta Rêbertî de dibînin. Em di taybetmendiyên Rêber Apo de dibînin. Rêber Apo jî anî ziman ku yek ji kesên herî baş ev yek derbasî pratîkê kir Sirri Sureyya Onder bû. Wê demê gelek tişt hene ku em divê ji wir hîn bibin.
Ji bo pirsa ‘Kesayetekî sosyalîst divê çawa be?’ bi lêkolînkirina rastiya Sirri Sureyya Onder em dikarin bersivên girîng peyda bikin. Bêguman divê em ne mutleqperest bin, lê Rêber Apo sosyalîzma civaka demokratîk herî dawî pênase kir. Dema ku me li bersiva pirsên ‘Nûnertiya sosyalîzmê ya civaka demokratîk divê çawa be? Kesayetiya wê çawa be?’ digerin, bêguman em Rêber Apo, taybetmendiyên kesayetiyên şehîdan lêkolîn dikin, wan dikin esas. Her wiha gelek ders hene ku em dikarin ji kesayetiya Sirri Sureyya Onder werbigirin.
Bandora ewqasî zêde, taybetmendiya yekkirinê… Ev yek bi erkê pêk neanî. Belê parlamenter bû, li Meclîsê alîkariya serok dikir, lê belê ti carî bi wan taybetmendiyên xwe bandor ewqasî li civakê nekir, civak nexist nava liv û tevgerê. Bi kesayetiya xwe ya sosyalîst kir. Wê demê ji bo jiholêrakirina kesayetên gelekî burokraîk, sar, bê hest, bê têkilî, parçebûyî û dijberkirinê, Rêber Apo bi feraseta sosyalîst sih salin têkoşîneke mezin dimeşîne.
Di kesayetiya Sirri Sureyya Onder de di pêvajoya têkiliya bi Rêbre Apo re ji vî alî ve gelek pêşketin çêbûn. Mirov çawa dikare bibe sosyalîsteke pir alî? Çawa dikare bandorê li her kesî bike? Çawa dikare bigihîne hev? Çawa hestewar bibe, bikene, kêfxweş bibe? Ne bi erkê lê bi hunerê çawa hin tiştan biafirînin, bersiva van hemûyan da. Serketina kongreya me wê bibe tevkariya bingehîn a partiya me li şehadeta Sirri Sureyya Onder. Baweriya me bi vê yekê heye.
Li ser vê bingehê careke din bi hurmet û minet bi bîr tînin.”
