Dezgeha Asayîşa Herêmê ragihand ku 2’yê Îlonê Rojnamevan û çalakvan Hêmin Mamed li Taxa Eqarî ya Silêmanî ji aliyê du kesên li ser matorê siwar ku xelkê Hewlêr-Binislawa bi navên ‘Ş.R.M.S û S.E.R.M ve hate gulebarankirin.
Dezgehê anî ziman ku piştî lêkolînên baş li gorî madeya 31/406 ya destûra cezayê Iraqê birayara girtina wan hate dayîn. Dezgehê anî ziman ku sûcdar hatine girtin û du jî reviyane û berê xwe dane Hewlêrê.
Dezgehê eşkere kir ku ev yek di encama pilanekê de hatiye kirin û armanca wê terokirina rojnamevan Hêmin Mamende.
Dezgehê ragihand ku wê pêşerojê encam û detayên mijarê bi raya giştî re parve bikin.
