Dosya Rojda Yakişikli hate vekirin ku di Kanûna derbasbûyî de li Amedê ji aliyê Okay Gur (37) ve hate qetilkirin ku Gur di çarçoveya Paketa Dadgeriyê ya 11’emîn de ji girtîgehê hate berdan.
Di îdîanameya têkildarî lêpirsînê de hate ragihandin ku Okay Gur piştî çar salên li girtîgehê, roja ku hate berdan çû li malê Rojda qetil kir û piştre “winda” bû. Hate xwestin ku Okay Gur û kiryarên pê re tevlî bûyerê bûn Bariş Dorgûn û Omer Dorgûn bi sûcdariya “bi zanebûn jinek kuştin” bêne cezakirin.
Têkildarî dosyayê ku demeke dirêj biryara veşartîbûnê li ser hatibû danîn îdîaname hate amadekirin. Di îdîanameyê de beyanên kiryaran û qeydên HTS’ê hebûn. Kiryar Okay Gur di îfadeya xwe de anî ziman ku dema qereqolê li wî geriya ew pê hesiya ku Rojda giliyê wî kiriye.
KUŞT Û SENARYOYA ‘WINDA BÛYE’ DA BÛYERÊ
Di îdîanameya ji du rûpelan de ku ji aliyê Serdozgeriya Komarê ya li Aamedê ve hate amadekirin beyanên bi detay hatin weşandin. Li gogrî agahiyên ku di îdîanameyê de cih girtin, piştî ku 27’ê Kanûnê îlana ‘winda’bûna Rojda Yakişikli hate dayin, bûyer eşkere bû.
Tîmên ewlekariyê ku li ser îxbarê çûn cihê bûyer, piştî ku kesên li malê gotin, “Okay Gur û Bariş Dorgûn bi zorê Rojda li wesayitê siwar kirin û birin” îfadeya van kesan hate girtin. Di çarçoveya beyanên şahidan de Bariş Dorgûn û kiryar Okay Gur li xwe mikur hatin û gotin, “Min ew kuşt û avê nava çem.” Dorgûn diyar kir ku Okay Gur gotiye wê milyonek TL bide wî ku bûyerê ji kesî re nebêje.
Li ser îfadeyê piştî rojekê Okay Gur hate binçavkirin û pirsa “Te hevjîna xwe çima kuşt?” lê hate kirin. Li gorî agahiyan Okay Gur jî gotiye, “Min hevjîna xwe nekuştiye, hevjîna min winda bû; we ew dît?” Kiryar ku destpêkê sûcdarî red kir, bi gotina “We cenazeyê wê dît? Eger we dîtibe ez ê qala her tiştî bikim” û sûcê xwe qebûl kir.
Okay Gur ku piştî qebûlkirina sûcê xwe hate binçavkirin, li gel gumanbarên din Bariş û Omer Dorgûn hatin girtin. Okay Gur di îfadeya xwe ya li emniyetê de anî ziman ku rojek piştî ji girtîgehê derket ji qereqolê lê geriyan û jê re gotin ku Rojda giliyê wî kiriye; piştre jî çû malê û Rojda xwestiye jê cihê bibe, piştre jî ew kuşt, veşart û delîl jî şewitand.
JI MALBATÊ BANGA EDALETÊ
Herdu gumanbarên din sûcdarî red kirin. Di îdîanameyê de eşkere bû ku li gorî qeydên HTS’ê kiryar hemû heman rojê li heman cihî bûn. Di çarçoveya îdîanameyê de daxwaza cezakirina kiryaran tê kirin. Rûniştina destpêkê ya dosyayê wê di 11’ê Îlonê de pêk were. Endamên malbatê bang kirin ku kiryar bi rengê herî giran bêne cezakirin.
