Li Amedê, Tevgera Jinên Azad (TJA) ji pêşiya Şaxa Navenda PTT’ê ji girtiyên jin re qert şand. Endama TJA’yê Ezel Aydin destnîşan kir ku têl û diwar wê nikaribin berxwedana jinan asteng bikin.
Li heman bajarê, bi hevkariya TJA û Şaredariya Sûrê li Taxa Kabî, bi tevlîbûna mêran atolyeya “Zayendiya Civakî” hat lidarxistin. Di atolyeyê de zîhniyeta serwer a mêr, komkujiyên jinan û veguherîna zîhniyetê li dijî tundiyê, hat nirxandin.
TJA’yê li Mûşê jî daxuyaniya çapemeniyê da. Endama TJA’yê Eda Guler di daxuyaniyê de axivî. Guler diyar kir ku jin di tevhaiya dîrokê de rastî tundî û zextê hatine û bal kişand ser piştevaniya civakî û girîngiya rêxistinbûna jinan.
Eda Guler wiha got, “Têkoşîna jinan, li dijî hemû rûxandinên ku mîlîtarîzîm û serweriya mêr ava kiriye, parastina herî xurt e.”
Em di vê 25’ê Mijdarê de bi hêrsa jinan û hêviya aştiyê, têkoşîna xwe mezin dikin. Em bang li hemû jinan dikin ku ber bi azadiyê ve bimeşin, gotina xwe mezin bikin û têkoşîna hevpar xurt bikin.”
