Li Girava Sumatrayê, ji ber karesatê hejmara qurbaniyan gihîştiye 908 kesan û 410 kes jî winda ne.
Li gorî Saziya Karesatan ê Neteweyî 3.3 mîlyon kes ji ber karesatê bandor bûne û mîlyonek kes jî hatine tehliyekirin, li stargehên demkî hatine bicih kirin.
Waliyê Acehê Muzakir Manaf, diyar kir ku rêya gelek gund û herêm qutbûne û got ku xetera birçîbûnê zêde dibe. Rayedaran, gotin ku baranên nû dikarin rewşê xirabtir bikin.
Li Srî Lankayê hikûmetê, ragihand ku 607 kes mirine û 214 kes jî winda ne. Serokkomar Anura Kumara Dissanayake, bûyeran wekî karesata herî giran a xwezayî ya di dîroka welêt de bi nav kir.
Zêdetirî 2 mîlyon kes bandor bûne. Hikûmetê, ragihand ku ji bo kesên ku malên xwe winda kirine dê desteka xanî were dayîn û ji bo kesên ku mirine dê tezmînat were dayîn.
Daxwaza Srî Lankayê ya ji bo fînansmana zêde, ji hêla IMF’ê ve têne nirxandin.
Ji ber baranên zêde ku demeke dirêje li gelek welatên Asyayê didome, rê li ber wêraniyek mezin vekir.
