Li Herêma Bakur û Rojhilatê Sûriyeyê çalakiyên 25ˈê Mijdarê Roja Têkoşîna li dijî Tundiya li ser Jinan a Nevneteweyî bi dirûşma “Bi felsefeya Jin, Jiyan, Azadî” xwe biparêze” dewam dikin.
HESEKÊ
Kongra Star bi beşdariya bi dehan endam û nûnerên saziyên sivîl, partiyên siyasî û şervanên YPJˈê civîneke berfireh li nivîsgeha PYDˈyê ya li bajarê Hesekê li dar xist.
Di civînê de endama Desteya Rêveber a Meclisa Jinan a Bakur û Rojhilatê Sûriyeyê Emîne Omer axivî. Emîne zihniyeta baviksalar “wekî bingeha belavbûna tundiya li ser jinan nirxand û got “Tundî li cihekî û zemanekî sînordar nin e, lê belê pirsgirêkeke cîhanî ye girêdayî zihniyeta baviksalar a desthilatdar e. Bi guhertina vê zihniyetê civakeke azad û demokratîk ava dibe.”
Emîne Omer felsefeya “Jin, Jiyan, Azadî” ya ku di sedsala 21ˈê de derketiye wekî ˈˈpêngaveke dîrokî ber bi xurtkirina têkoşîna li hemberî tundiya li ser jinan û avakirina civakeke bêtundî veˈˈ nirxand.
Beşdarên ku nêrînên xwe anîn ziman, têkoşîna jinan a li Bakur û Rojhilatê Sûriyeyê, astengiyên li pêşiya wan û rêbazên bidawîkirina van astengiyan vegotin.
Piştre berdevaka Komîteya Perwerdeyê ya Kongra Star Duha Ehmed nameya şehîda fedaî Asya Alî xwend.
Jinên ciwan bi pêşengiya Yekîtiya Jinên Ciwan ên Bakur û Rojhilatê Sûriyeyê ji ber qada Sinalko ya Hesekê meşiyan.
Bi sedan jinên ciwan ên Kurd, Ereb, Asûrî û Ermen ên ji Bakur û Rojhilatê Sûriyeyê beşdarî meşê bûn. Di meşê de filemayên Rêber APO û têkoşerên fedaî Şehîd Rojger û Şehîd Asya û alên Yekitiya Jinên Ciwan hatin hilgirtin.
Her wiha wêneyê Hevberdevka Tevgera Ciwanên Şoreşger Ronahî Amanos ku çend roj berê ji ber qeyrana dil şehîd bû, hatin hilgirtin.
Jinên ciwan pankarta “Ji darvekirinê re na” cezayê darvekirinê yê Îranê li 3 jinên pêşeng ên şoreşger biriye şermezar kirin.
Jinên ciwan jî bi dirûşmeya “Tecrîd tundiya herî mezin e” bal kişandin ser tecrîda li ser Rêber APO tê meşandin.
Meş li ber Parka Rêbertiyê bi dawî bû.
Axaftina bi kurdî ji aliyê endama PYD’ê ya jina ciwan Sara Hisên ve hat kirin.
Sara Hisên banga xwedîderketina li berxwedana Rêber Apo kir.
Sara Hisên bal kişand ser berxwedana destanî ya bi pêşengiya gerîlayên YJA Starê li dijî faşîzma dewleta Tirk a dagirker tê meşandin û anî ziman ku berxwedana gerîla derbeke mezin li dijmin xistiye û dijmin aniye ber têkçûnê.
Piştî axaftinê komek jinên ciwan ve pêşandana tekwandoyê hat lidarxistin.
Di heman demê de jinên ciwan li Mexmûr û Şengalê jî meşiyan.
ŞEDADÊ
Li bajarê Şedadê yê kantona Cizîrê dewreya perwerdeyê ya ji aliyê Kongra Star ve ji bo mêran hatiye organîzekirin di roja 3ˈyemîn de dewam dike. 150 mêr ên ku beşdarî perwerdeyê bûne waneyên li ser qanûna malbatê, zayendperestî û hevjiyana azadî dibînin.
Rêvebera Kongra Star Melek Mihemed îro dersa zeyendperestî da. Melek got ku zayendperestî berhema çand û hin kevneşopiyên kevinperest e ku rola jinan di nava civakê de zîncir dike.
Melek diyar kir ku jin bi saya fikir û felsefeya Rêber Abdullah Ocalan ji van zînciran rizgar bûn û cihên xwe di qadên siyasî, civakî, aborî û leşkerî de digirin.
Melek Mihemed her wiha destnîşan kir ku armanc ji vê dewreyekê ew e ku ji girîngiya piştevaniya mêran a bi mafên jinan û avakirina jiyaneke wekhev were nasandin.
Melek li ser tevlîbûna dewreyê jî wiha got: “Tevlêbûna beşdaran baş e. Ev dide nîşandan ku zanebûneke civakî li bajarê Şedadê ya ku bi taybetmendiya xwe ya eşîrtî tê naskirin, çêbûye. Her wiha tê nîşandan ku gavên ber bi pêkanîna wekheviyê û piştevaniya mafên jinan ve tên avêtin.”
HELEB
Di çarçoveya rêzeçalakiyên bi boneya Roja Têkoşîna li dijî Tundiya li ser Jinan tên lidarxistin de bi sedan mêr li bajarê Helebê, nûnerên ji tevgerên jinan meşiyan. Meş ji pêş hola civînan a 8ˋê Adarê ya taxa Şêxmeqsûdê dest pê kir û li kolanên taxê geriyan.
Meşa li Qada Şehîdan vegerî mîtîngê. Li wir endama Koordînasyona Kongra Star a Helebê Fehîme Hemo axivî û got: “Têkoşîna ji bo bidestxistina azadiya jinan di vê serdema nû de ku xwişkên Mîrabal dest pê kiriye, îro ji hêla pêşngtiya şehîdên Kurdistanê dewam dike.”
Fehîme êrîşên dewleta Tirk a dagirker ên li dijî herêmê û çewisandina dewleta Îranê ji azadiya jinan re şermezar kirin.
Hevserokê Malbenda Rewşenbîrî ya Helebê Ehmed Bîrhat got: “Meş xwedî gelek peyaman e ku projeya neteweya demokratîk parêzvanê azadiya rasteqîn a jinan e û netewe-dewlet û kapîtalîst di siyasetên xwe de bi ser nakevin.”
Di dawiyê de endamê Meclisa Taxa Şehîd Rûbar Qamişlo, Ebdurehman Bozan bi zimanê Erebî li ser têkoşîn giştî û têkoşîna jina azad helbestek xwend.
