Welatiyên ku li bendava Tişrîn a Bakur û Rojhilatê Sûriyeyê nobetê digirin, li dijî hedefgirtina bendavê berxwedana xwe didomînin.
Eyşe Şêx Mihemed, anî ziman ku moral û kelecana wan gelek bilind e û got, “Em li ser bendava xwe ne. Em ê bi yekîtiya Kurdan bigihêjin serketinê. Rojane li dijî herêmên me êrîş didom in. Em ji êrîşên wan ên hovan natirsin, em in xwediyê heqê xwe ne, ew dixwazin heqê me ji me bistîn in. Lê ew ê têk herin.”
‘BI CAN Û BI XWÎN EM Ê WELATÊ XWE BIPARÊZIN’
Ebdulnasin Elî Dewrêş, jî anî ziman ku ew ê bi rihê wekheviya gelan, bendava xwe biparêzin û wiha got, “Ew dixwazin me bê av û elektrîk bihêlin. Lê bila wê yekê baş bizanibin ku ev bendav ya me ye. Em ê jî xwedî li bendava xwe derkevin. Îro roja me ye. Em amade ne ku welatê xwe biparêzin. Gelê me weke lehiyê berê xwe dide bendavê. Em ê bi hêza xwe QSD/YPJ’ê bi ser bikevin. Em amade ne ku em bi can û bi xwîn welatê xwe biparêzin.”
‘JI BO PARASTINA AV Û ELEKTRÎKA XWE EM LI VIR IN’
Yek ji çalakvana bendavê dayika bi navê Mircan Xelîl Ibrahîm e. Mîrcan Xelîl Îbrahîm, diyar dike ku ew cara 4’emîne tê bendava Tişrînê û tevlî berxwedanê dibe û got, “Dewleta Tirk jî bê navber vê bendavê dike hedefa xwe. Em weke dayikên şehîdan li vir in. Li kur dibe bila bibe em ê weke dayik, ji bo parastina av û elektrîka xwe li ber xwe bidin.”
