Êrîş weke parçeyekî êrîşên ku di rojên dawî de li pey hev li ser binesaziyên enerjiyê yên li Kurdistanê tên pêkanîn, tê nirxandin.
Rêveberiya Herêmî ya Kurdistanê daxuyanî da û êrîş weke “çalakiyeke terorê ya li dijî binesaziya ekonomîk a jiyanî ya herêmê” pênase kir.
Hat ragihandin ku piştî teqîna di derdora saet 07.00’an de di tesîsê de şewat derket.
HKN Energy ragihand ku şewat hate kontrolkirin, ti windahiyên can çênebûne û heta ku ewlehî mîsoger dibe, wê hemû xebat werin rawestandin.
ÊRÎŞÊN SERHEV
Êrîşa navborî, li wîlayeta Hewlêrê roja duşemê piştî êrîşa li ser balafirgehê û êrîşên bi balafirên bêmirov ên li ser qadeke din a petrole ya li Xurmalayê pêk hat. Ev êrîş jî bûbûn sedema zirareke madî ya cidî.
Berpirsyariya êrîşan heya niha ti komê negirtiye ser xwe, 3’yê Tîrmehê rayedarên Kurdistanê ji ber ÎHA’ya ku li nêzî Balafirgeha Hewlêrê ketî komên Haşdî Şabî sûcdar kiribû. Rêveberiya Bexdayê jî ev yek red kiribû.
DYE’YÊ NERAZÎBÛN NÎŞAN DA Û BANG KIR
Balyozxaneya Bilind a Bexdayê ya DYE’yê êrîşên dawî yên bi ÎHA’yan ên li Kurdistan û giştî Iraqê şermezar kir û diyar kir ku evane “nayên qebûlkirin”.
Balyozxaneyê ev bang li hikûmeta Iraqê kir: “Êrîşên wiha yên komên çekdar, asteng bikin û şîrketên navneteweyî û herêmî yên ji bo siberoja welêt razemeniyan dikin, biparêzin.”
