Beriya Civîna NATO’yê ku tê payîn li Enqereyê bê lidarxistin, bi ser Şaxa AKA-DER a Tuzluçayirê de girtin. Di serdegirtinê de herî kêm 7 kes hatin binçavkirin û lêgerîna di nava avahiya komeleyê de dewam dike. Hate hînbûn ku derbarê kesên hatine binçavkirin de 24 saet hevdîtina bi parêzeran re hatiye sînordarkirin.
Her wiha îro li Edeneyê, du kesên ji Tevgera Kaldiraç ku belavok li djî Civîna NATO’yê belav kirin, hatin binçavkirin. Tevgera Kaldiraç di dema belavkirina belavokan de bang li her kesê kir ku li dijî sûcên şer ên NATO’yê bêdeng nemînin û ji bo protestokirina civînê ji bo Enqereyê vexwend.
