Li gorî rayedaran li bajarê Safi yê li 250 kîlometreyan başûrê Kazablankayê û nêzîkî 300 hezar lê dijîn, ji ber bobelata lehiyan 37 kesan jiyana xwe ji dest dane. Ev bûyer, weke mezintirîn bobelata lehiyê ya 10 salên dawîn a li Fasê hate tomarkirin.
Rayedarên xwecihî dan zanîn ku barînên zêde yên di nava saetekê de bûne sedema lehiyên ji nişka ve û dijwar. Di dîmenên ku ji aliyê niştecihên bajarî ve hatine girtin de tê dîtin ku kolan veguherîne rêya avên qirêj û wesayît û gelek tiştên din dikevin ber ava lehiyê.
Rayedaran diyar kirin ku ji bilî kesên jiyana xwe ji dest dane gelek birîndar jî hene û 32 welatî rakirine nexweşxaneyê. Hate ragihandin ku piraniya birîndaran piştî tedawiya hewce ji nexweşxaneyê derketine.
Şeva Yekşemê asta avê daketiye û li şûna xwe wêraniya kolanên ji heriyê û wesayîtên qelibî hiştiye.
Ekîbên sivîl ên parastinê û hêzên alîkar ên ewlehiyê xebatên xweyên rakirina enkazê û lêgerîna kesên winda didomînin.
Rayedar ji bo gihandina alîkariyan seferber bûne û hişyariyê didin ku dikare hejmara kesên jiyana xwe ji dest bidin, zêde bibe.
