Li gorî daxuyaniya Pakistanê 23 kesên ku li ser sînor hatine kuştin, endamên komên Talîbana Pakistanê ne ku li Efxanistanê perwerde dibin û li gel Talîbana Efxanistanê heman îdeolojiyê parve dikin. Pakistan îdîa dike ku ev kom li ser navê Hindistanê tev digerin.
Operasyon, piştî êrîşa xwekujiyê ya hefteya borî ya li pêşiya bînaya dadgeheke li bajarê Îslamabadê hate kirin ku di êrîşa berbehs de 12 kesan jiyana xwe ji dest dabû.
SÛCARKIRINA HINDISTAN Û EFXANISTANÊ
Rêveberiya Îslamabadê, piştî şer û pevçûnên leşkerî yên di meha Gulanê de di mehên dawîn de gelek caran diyar kir ku Hindistan piştevaniyê dide serhildêrên li welêt. Her wiha Pakistan, ji ber zêdebûna êrîşên ji sala 2021’an ve ku Talibanê desthilatdariya li Kabilê bi dest xist, Efxanistanê bi vekirina qadê ya ji TTP’ê re sûcdar dike. Rêveberiya Kabilê jî van îdîayan red dike.
RAGEŞÎ ZÊDE DIBE
Fraksiyoneke TTP’ê êrîşa xwekujiyê ya hefteya borî ya li Îslamabadê girtiye ser xwe û hate îdîakirin ku êrîş li Efxanistanê hatiye organîzekirin. Pakistanê da zanîn ku wê çar kesên eleqeya wan bi êrîşa berbehs re heye binçav kirine.
Têkiliyên di navbera Pakistan û Efxanistanê de, di mehên dawîn de ji ber sedemên ewlehiyê gelekî xirab bûne. Di meha Cotmehê de di navbera her du welatan de yek ji şer û pevçûna li ser sînor a herî tund rû dabû û rageşiyê heya xwe gihandibû paytext Kabilê jî. Her çend aliyan piştre li ser agirbesteke lawaz li hev kirin jî têkildarî mijarên ewlehiyê lihevkirin çênebû û her du welat hişyariyan didin û dibêjin ku ger li hemberî xakên wan êrîşek pêk were ew ê bersivê bidin.
