Navenda Çavdêriya Mafên Mirovan a Sûriyeyê (SOHR) daxuyand ku komeke çekdar a hikumeta veguhêz tirbeyên Şêx Mihemed El Ecemî, Şêx Hamid Zexbûr, Şêx Ehmed El Şabanî yên li gundê Xirbet El Ekrad ê deşta Ekar a başûrê Tertûsê şewitandin.
Li gorî SOHRˊê, dema şêniyan miriyekî xwe defin dikir dîtin ku tirbeya Şêx Mihemed El Ecemî hatiye texrîbkirin, kolandin, û gorên derdorê hatine şikandin. Şêniyan bang li aliyên eleqedar kir ku bûyerê lêpirsîn bikin.
Vê yekê şêniyên herêmê bi hêrs kir û diyar kir ku bêdengiya li hember bûyerên wiha teşwîqê çêdike û derî li pêş krîz û destdirêjiyên li dijî şênî û baweriyan wan vedike.
Şêniyan banga lêpirsînê û cezakirina kesên destê wan di bûyerê de heye kir.
