Hat ragihandin ku 4’ê Adarê saet nêzî 17.00’an 3 kes ji gundê Cexer ê li başûrê rojhilatê bajarê Kobanê û başûrê rêya M4, hatin revandin.
Navên kên hatine revandin wiha ne: Îsamîl Mihemed Hec Berkel (55), Selman Mistefa Hec Berkel (45) û Salih Mihemed Hec Berkel (38).
Li gorî nûçeya ANHA’yê komekê ku xwe wek hêzên ewlehiya giştî pênase kir, her sê kes birin cihekî nediyar û heya niha agahî ji wan nayên girtin.
Malbatên revandiyan bang li aliyên têkildar kir ku berpirsyariyên xwe bi cih bînin. Her wiha bang li saziyên medyayê û yên hiqûqî kirin ku doza kesên revandî wan bişopînin.
Hêzên Sûriyeya Demokratîk (QSD) di çarçoveya bicihanîna peymana 29’ê Çileyê de, 2’yê Adarê ji derdora bajarê Kobanê vekişiya baregehê xwe. Di 5’ê Adarê de komên hikumetê demkî jî vekişiyan. Beriya ku komên hikumeta demkî ji gundewarên Kobanê vekişin, 74 gund talan kiribûn.
