Rêveberiya Xweser û Insiyatîfa Azadiya Rêber Abdullah Ocalan a Kobanê li dijî Komploya Navneteweyî ya di sala 1999`an de li dijî Rêber Apo pêk hat, 2 civîn li Navenda Çand û Hunerê ya Baqî Xido bajarê Kobanê, civînek li gundê Helincê û civînek li navçeya Şêranê li dar xistin.
Civîna li Navenda Çand û Hunerê ya Baqî Xido bi deqeyeke rêzgirtinê dest pê kir. Dûre li ser navê Rêveberiya Giştî ya TEV-DEM`ê axaftin hatin kirin û hate gotin: “Rêber Apo ev 27 sal e di zindanê de û tevî zindanê tecrîd jî li Rêber Apo tê meşandin. Alozî û pirsgirêkên ku rû didin, bêyî Rêber Apo nayên çareserkirin. Divê êdî azadiya fîzîkî ya Rêber Apo misoger bibe.”
Di civîna li gundê Helincê de cîgira Hevserokatiya Encûmena Cibicîkar a Kobanê Mizgîn Xelîl komploya li dijî Rêber Apo şermezar kir û got: “Dewletên hegemon xwest di şexsê Rêber Apo de, gelê Kurd tune bikin û qir bikin. Ji bo ku gelê Kurd tu carî nikaribin serî hildin. Lê bi saya Rêber Apo gelê Kurd xwe nas kir û ji wê tarîtî û koletiyê hatin rêzgarkirin û azad bûn. Rêber Apo rêberê mirovahiyê ye. Divê em rêberê xwe ji nava çar dîwaran derxin û wî bi fîzîkî azad bikin.”
Her wiha di civîna li navçeya Şêranê de jî berdevkê Însiyatîfa Sûriyeyê ya Azadiya Rêber Abdullah Ocalan a bajarê Kobanê Bekir El Ceradê axivî û wiha got: “Bi boneya Komploya Navneteweyî ya dijî Rêber Abdullah Ocalan di sala 1999`an de pêk hatî û li Rêber Apo dîl hat girtin, em şermezar dikin. Dijminên gelê Kurd xwestin di şexsê Rêber Apo de windakirina gelê Kurd pêk bînin. Berxwedana Rêber Apo di hundir zindanê de, berxwedanake xurt dide meşandin û her wiha sekin û xwedîderketina gelê Kurd li Rêber Apo ev bi xwe hêzek û berxwedaneke mezine, bi vê berxwedanê hişt ku komplo negihêje armanca xwe.”
Berkir El Ceradê diyar kir ew ê bi hemû hêza xwe li derdora Rêber Apo bibin xelek û azadiya fîzîkî ya Rêber Apo misoger bikin.
