Li gundê Sellaxê yê navçeya Artuklu ya Mêrdînê di navbera malbatên Erbogan û Oncel de şer derket. Hat zanîn ku di navbera her du malbatan de dijminatî hebû û nîqaşa wan veguherî şerê çekdarî.
Li gorî agahiyên hatine bidestxistin, piştî mezinbûna şer komeke ji malbata Erbogan bi çekan êrîşî baxçeyê malbata Oncel ku endamên malbatê lê rûdiniştin kirin. Di êrîşê de Abdulbakî Oncel, Abdulkadîr Oncel û Ozcan Oncel jiyana xwe ji dest dan. Endamên malbata Oncel jî bi çekan bersiva êrîşê dan û pevçûn derket. Di pevçûnê de 3 jê giran bi giştî 10 kes birîndar bûn.
Kuştî û birîndar hatin rakirina nexweşxaneyên li Artuklu û Qoserê.
