Êrîşên qirkirin û dagirkeriyê yên dewleta Tirk didomin.
Dewleta Tirk a dagirker û çeteyên wê gundên Toxar û Catê yên kantona Minbicê bombebaran dike. Hat zanîn ku herî kêm 20 topên hewanan li gund ketine.
Li herêmê liv û tevgera balafira keşfê didome.
ZAROK BIRÎNDAR BÛN
Deweta Tirk a dagirker û çeteyên gundên Simûqa, Til Medîq, Til Cîcan û Bendava Şehbayê yên kantona Efrîn-Şehbayê bi obîs û hawnan topbaran dikin.
Di encama topbaranê de 2 zarok jî di nav de hejmareke welatiyên di nava zeviyên çandiniyê de dixebitin birîndar bûn.
Navên birîndaran wiha ne: Faris Xelef Îbrahîm (13) û Meter Fadil Îbrahîm (14).Li gorî agahiyan birîna Faris giran e.
Topbarana li ser deverên navborî dewam dike. Di heman demê de balafirên keşfê li ser kantona Efrîn-Şehbayê digerin.
