Polîsan daxuyand ku êrîş roja şemiyê ji hêla komên sûcdar ên çekdar ve, ku wekî çete tên binavkirin, hatine pêkanîn.
Berdevkê Polîsên Eyaleta Nîjerê, Wasiu Abiodun, di daxuyaniya xwe de diyar kir ku di dema êrîşê de zêdetirî 30 kesî mirine û hin kes jî hatine revandin.
Çeteyên çekdar ên ku ji aliyê gelê herêmê ve wekî çete ango bandit tên naskirin, li herêmên bakur-rojava û navenda bakur a Nîjeryayê li ser gundan bi ser de digirin, talan dikin û bi armanca fidyeyê revandina komî pêk tînin.
Eyaleta Nîjerê di mehên dawî de di nav wan herêman de ye ku herî zêde di bin bandora van êrîşan de maye. Di mijdarê de li eyaletê êrîşek biribûn ser dibistaneke Katolîk û zêdetirî 250 xwendekar û xebatkarên dibistanê hatibûn revandin.
Kesên hatibûn revandin, piştî hefteyan di du qonaxan de hatibûn berdan.
Rayedaran derbarê wê yekê de ku gelo fidyeyek hatiye dayîn an na, tu agahî parve nekiribûn.
