Li gorî daxuyaniya çavkaniyek ji Meclîsa Tenduristiyê ya Şêxmeqsûd û Eşrefiyê ku ji ANHA’yê re ragihand, di êrişên komên çekdar ên ser bi Hikumeta Veguhêz a Sûriyeyê de yên li ser taxên Şêxmeqsûd û Eşrefiyê yên Helebê 3 jê zarok, 4 jê jin 19 kes birîndar bûn.
Li gorî çavkaniyan, navên birîndaran wiha ne: Henan Ebdulhemîd Îsmaîl (20), Mihemed Ebdulhemîd (19), Ebdulhemîd Îsmaîl (48), Zekeriya Xelîfe (53), Ebdo Eswed (40), Mihemed Nîdal Îbrahîm (18), Aydil Elî (9), Dîcle Osman (34), Dogan Elo (18), Ebdulrehman Horo (18), Cemîl Ekaş (22), Mehmûd Oso (20), Mîrkan Bekir (22), Arif Bilal (20), Robarîn Hebeş (13), Zeyneb Henan (25), Usama Betîx (30), Omer Ebdulqadir Tereb (15) û Nehla Ebdulrehman Dabûl (40).
Her wiha jina ji pêkhateya Ereb a bi navê Fedwa Mihemed El Kurdî ya 57 salî jî di encama êrişan de şehîd bû.
Çavkaniyan destnîşan kir ku piştî topbaran û êrişên rasterast ên li dijî sivîlan, li eniyên derdora taxên Şêxmeqsûd û Eşrefiyê niha rewş aram e û hişyarî zêde ye.
