Hat ragihandin ku ji ber lehiyên ku ji destpêka hefteyê û vir ve dewam dikin herî kêm 10 kesan jiyana xwe ji dest dan û 8 kes jî hîna winda ne.
Bajarên tursîstîk ên mîna Hoi An û Hue yên ku di lîsteya Mîrateya Cîhanê ya UNESCO de, bi temamî di bin avê de man.
Li Hoi An’ê asta avê pir bilind bû, gelek dikan û malan zirar dîtin.
Li gorî rayedaran, li 5 eyaletan zêdeyî 128 hezar mal di bin avê de man, li hin herêman asta avê gihişt 3 metreyan. Her wiha zêdeyî 5000 hektar zeviyê çandiniyê, tune bû. Zêdeyî 16 hezar sewal telef bûn.
Çemê li bajarê Danang li gorî 60 salên dawî, gihişt asta herî bilind û rayedaran ji bo rojên pêş jî hişyarî da.
Îsal li Vîetnameyê ji ber karesatên xwezayî (bahoz, lehî û hezazê) nêzî 200 kesan jiyana xwe ji dest dan yan jî winda bûn. Zirara madî jî gihişte 525 milyon euroyê.
