Deh sal piştî biryara Brexitê, Brîtanya dixwaze têkiliya xwe bi Yekîtiya Ewropayê re ji nû ve ava bike. Serokwezîr Keir Starmer li ser pêşnûmeqanûnekê dixebite ku dê Brîtanya nêzîkî YE’yê bike. Hem aborî û hem jî siyaseta cîhanê bandorê li vê pêngavê dikin.
Şerê li Rojhilata Navîn û nakokiyên bi DYE re bûne sedem ku Brîtanya berê xwe bide Ewropayê.
Hikûmet plan dike ku bi taybetî di warên xwarin û bazirganiyê de li gorî pîvanên YE’yê tevbigere. Qanûna nû dikare di meha Gulanê de were ragihandin.
Brîtanya, dixwaze bazirganiya bi YE’yê re hêsan bike, di sektora enerjiyê de hevkariyê bike û bernameyên ciwanan ji nû ve bide destpêkirin. Vegera bernameya Erasmus jî di rojevê de ye.
Lê belê, hikûmet vegera li yek bazara YE’yê û tevgera serbestbûyî qebûl nake.
Li gorî nûçeya AFP’ê pispor David Hing, diyar dike ku bazirganiya serbixwe ya piştî biryara Brexitê zehmetir dibe, lê di heman demê de hevkariya bi YE’yê re balkêştir dibe.
Anket nîşan didin ku beşek mezin ji gel ji biryara Brexitê poşman e.
