Konfederasyona Sendîkaya Kedkarên Cemaweriyê (KESK) li dijî bêhiqûqiya KHK’ê bi dirûşma “Em ê karê xwe bi paş ve bistînin” di 13’ê Cotmehê de ji Amedê ber bi Enqereyê ve dest bi meşê kirin. Meş di roja çaremîn de gihişt Enqereyê. Meşvan li Enqereyê ji aliyê endam û rêveberên sendîkayan û gelek kesan ve li pêşiya Navenda Giştî ya SES’ê hatin pêşwazîkirin. Polisan xwest pêşwazîkirinê asteng bike lê girse bi berxwedanê gihîşt hev.
Meşvanan li pêşiya avahiya SES’ê govend gerandin. Meşvanên ku xwestin ber bi Wezareta Dadê ve bimeşin û li wir daxuyaniyê bidin ji aliyê polîsan ve bi hinceta “çûyîna ber Wezaretê qedexe ye” hatin astengkirin.
