Balafira bêmirov a dewleta Tirk a dagiker di 23’yê Tebaxa 2024’an li Seyîdsadiq a Silêmaniyê karwanê rojnamevanan kir hedef û di encamê de rojnamevan Gulistan Tara û Hêro Bahadîn şehîd bûbûn û gelek rojnamevan birîndar bûbûn. Gelek rojnamevan û çalakvanên siyasî li cihê ku rojnamevan Gulistan Tara û Hêro Bahadîn lê şehîd bûn hatin ba hev. Di çalakiyê de navê şehîdên Çapemeniya Azad Gulistan Tara û Hêro Bahadîn li cadeya lê şehîd bûbûn hat kirin.
Piştî merasîma danîna wêneyê daxuyanî hat dayîn. Daxuyaniya Kampanya Çetir ji aliyê Rojnamevan Hawrê Karwan ve hat xwendin. Di daxuyaniyê de hat gotin ku ew çiqasî rojnamevanan bikin hedef û şehîd bikin wê navê wan li rê û kolanan bikin heta hetayê weke sembol bimînin.
QETILKIRINA ROJNAMEVANAN SÛC E
Di daxuyaniyê de hate diyar kirin ku hikûmet bi rêya kuştin û zextê ya li ser rojnamevanan mafê gihandina agahiyan a civakê binpê dike û wiha hat gotin: “Di roja îro de ji ber berjewendiyan şerê tê kirin li Rojhilata Navîn bûye navenda cengê. Herî zêde ev şer li Kurdistanê ye û herî zêde mafê Kurdan heye ku agahiyên rast bigire. Ji bo wê hemû hewldan tê danîn ku rojnamevanan bêdeng bikin ku rastiyan ne ragihînin. Li her derê cîhanê rojnamevan tên qetilkirin ji bo rastî di tarîtiyê de bimîne. Qetilkirina rojnamevanan sûc e û êrîşeke li ser mafê mirovane. Rojnamevan Gulistan Tara û Hêro Bahadîn ji ber rastiyên sûcên şer kifş kirin bûn hedefa dagirkeran.
Di daxuyaniyê de bal kişandin ser êrîşa li Çarqûrne ya ku rojnamevan Azîz Koyluogu şehîd bû û wiha domand: “Şehîdkirina rojnamevan Azîz Koyluoglû bû deqek din a reş li ser rûyê desthilat û hikûmetê. Ev yek nîşan dide ku dagirker û dardestên wan çiqas ji rastiyan ditirsin.”
